ALBAOLA

Pasaia (San Pedro)

Ontzigintza eskola

APRENDIZTEGI

Lance Lee Nazioarteko Ontzigintza Eskola

1972an Lance Lee-k, EEBBetako ontzigintza tradizionaleko irakasle aintzindariak sortutako ereduan oinarritutako formakuntza sistema jarraitzen du Aprendiztegi Lance Lee Nazioarteko Ontzigintza Eskola ontzigintza eskolak. Emaitzarik onenak lortzeko ikaslearen motibazioan oinarritutako sistema pedagogikoa da eskola eredu honen ardatza. Esperientziaren bidezko ikasketan oinarritzen da irakaskuntza modu hau, formakuntzaren hasieratik ontzigintza lanak eginez, ikasleak interesa erakusten duen gaietan sakonduz. Eskolako jarduera itsas ondarearen berreskuraketan oinarritutako giro batean garatzen denez, honen inguruko ezagutzan sakontzeko aukera ere izango du ikasleak Albaolan. Nazioarteko eskola izateak testuinguru kultural anitz bat ematen dio, bizikidetzaren eta aniztasunaren balioak garatuz. Era berean jendaurrean lan egiten ikasten du ikasleak, eskolaren lana balioan jarriz.

Informazio praktikoa

Formakuntza programak 3 urteko iraupena du, eta ikasleek ontzigintzaren eraikuntza fase guztietan parte hartzeko aukera izango dute. Eskolaren programa munduko edozein lekutako eta 18 urtetik gorako 18 ikasleri dago zuzendua. Eskola bokazionala da, eta eskatzaileek duten motibazioa baloratuko da bereziki izena ematerako garaian. Gomendagarria da eskolan sarrera errazteko, denbora batez Auzolan taldeko partaide izatea eskolaren lanetan parte hartuz, prozesu honetan hautagaien interesa baieztatu ahal izateko.

PDF honetan informazio dana duzu (oraingoz ingelesez eta frantsesez dago, aurki hizkuntza guztietan izango dugu).

Inskribatzeko prozedura

1.-  Zure Curriculum Vitae eta motibazio gutuna aprendiztegi@albaola.com helbidera bidali. Gutunean zergatik nahi duzun ontzigintza gurekin ikasi idaztea nahiko genuke.

2.- Ondorengo formularioa online bete ezazu: https://goo.gl/forms/KlrPdaE9g7ACMFGA3 

Inongo galderarik baduzu, mesedez idatz eiguzu aprendiztegi@albaola.com helbidera.

FOTO ESCUELA DE CARPINTERÍA Albaola